❤
بسكوت او cookies بالعسل والطحينة ممكن ناكله مع الشاي او القهوة الصبح في الشتا ومفيد جدا للأولاد في المدرسة.
المقادير =
4معالق كبيرة عسل ابيض..
4معالق طحينة..
معلقتين عين جمل (جوز) مفروم..
معلقة صغيرة فانيليا..
2/3(ثلثين) كباية دقيق..
رشة بيكينج صودا..
سمسم وحبة البركة.
♡♡
هانخلط العسل والطحينة وعين الجمل والفانيليا مع بعض كويس.. نزود الدقيق مع البيكينج صودا بالتدريج ونقلب تاني.. نشكل الخليط كور صغيرة ونغلفها بالسمسم.. ونضغطها عشان تبقى شكل البسكوت.. نحطها في صينية على ورق زبدة وندخلها التلاجة لمدة 45دقيقة..
بعدين نخلها فرن "سخن" حرارة 175ْ لمدة 10-12دقيقة. ونسيبها تبرد خالص قبل ماناكلها مع الشاي. حلوة وسهلة مش كدة؟! البسكوت ده شبة بسكوت تاني..عارفين هو إيه ؟! :)
ليست هناك تعليقات:
إرسال تعليق